“Зэрлэг цэцэгсийн хүлэмж”-ээрээ үзэгчдийг  байлдан дагуулсан “Хувьсал” продакшн хоёр дахь киногоо бүтээх гэж байна.

Киноны нэр "Зүрхээр наадагч" бөгөөд тус киноны зохиолыг СТА А.Ганчимэг бичжээ.

Мөн эрэгтэй гол дүрийн хувьд сонгон шалгаруулалт явуулж 80 гаруй залуусаас 2009 оны Азийн топ модель О.Мөнхдалайг сонгосон байна.

Уран бүтээлчид энэ сарын 26-аас эхлэн кино зураг авалтаа эхлүүлэх гэнэ.

Сонирхуулахад "Хувьсал"-ын эгч дүүс “Mongolia academy awards 2014” наадмаас "Зэрлэг цэцэгсийн хүлэмж" кинонд бүтээсэн дүрүүдээрээ  “Шилдэг эмэгтэй гол дүр" болон "Шилдэг эмэгтэй туслах дүр”-ийн шагналуудыг хүртсэн билээ.