СУИС-ийн нэг ангийнхан  “Үргээлэг” хэмээх кино хийсэн нь амжилтад хүрч, үзэгчдийн таашаалд ихээхэн нийцсэн. Түүгээр ч зогсохгүй саяхан болсон “Academy awards Mongolia 2014” наадмаас "Гран При" шагнал хүртсэн билээ. Тэгвэл тус киноны хоёрдугаар анги гарах гэнэ.

Тодруулбал жүжигчин Ж.Баясгалан нэгэнтээ "Үргээлэг"-ийг кино гэхээсээ илүү төсөл гэж яримаар байна. Үргээлэг гэдэг хөөнө гэсэн үг биш. Энэ бол сэдэл өгөх, сэрээх гэсэн үг шүү дээ. Бидэнд “Үргээлэг”-ээр хөндөх зүйл олон байна. Тийм болохоор “Үргээлэг-2” хийгдэнэ. Бэлтгэл ажил аль хэдийнэ хийгдээд эхэлчихсэн явж байна. Энэ талаар бид удахгүй албан ёсоор мэдэгдэнэ" хэмээн ярьжээ.

Ийнхүү "Үргээлэг -2" хийгдэж эхлэх нь тодорхой боллоо. Гэхдээ чухам ямар сэдвээр үзэгчдийг үргээх нь нууц хэвээр.