Улсын дуурь, бүжгийн эрдмийн театрын тайзнаа өнөөдөр “Үүлэн заяа” дуурийг тоглоно. Гурван бүлэг, дөрвөн үзэгдэлтэй уг дуурийг 1988 онд анх тоглож, УГЗ Ч.Жамсранжав удирдаж байсан түүхтэй. Үндэсний сонгодог бүтээлийн нэг “Үүлэн заяа” дуурь нутагт нь ган гачиг болж өөр газар нүүдэллэсэн ард олон нутагтаа буцаж ирж явна. Хоовондой түшмэл эзэн ноёныхоо бие муудсан тухай мэдээг олонд дуулгаснаар тэд аян нүүдлээ түр зогсооно.