Бөхийн чөлөөт барилдааны 2014 оны өсвөрийн ДАШТ энэ сарын 15-20-ны өдрүүдэд Словак улсын Сина хотын “Hockey Stadium” спортын ордонд болж байна. Энэ тэмцээнд 46 орны 550 өсвөрийн бөхчүүд 30 багц медалийн төлөө өрсөлдөж байгаа юм.

Тэмцээний охидын төрөлд өсвөрийн гурван удаагийн дэлхий аварга, Японы тамирчин Кика Кагат, өсвөрийн хошой дэлхийн аварга, Японы бөх Маю Мукаида, дэлхийн болон европын өсвөрийн аварга, Украиний тамирчин Оксана Ливач, Оросын тамирчин Зайнаб Магомедова, Украины шилдэг бөх Олёна Кремзер, Европийн өсвөрийн аварга, Азербайжаны бөх Лейла Гурбанова нарын зэрэг шилдэг бөхчүүд оролцож байна.

Охидын тэмцээн энэ сарын 17-нд эхэлж, манай дөрвөн бөх дэвжээнд гарснаас 43 кг-ын жинд өрсөлдсөн Б.Мөнхнар хүрэл медаль хүртэж, медалийн тавцанд зогссон.

Өчигдөр охидын чөлөөт бөхийн 40, 46, 52, 60, 70 кг-ын жингүүдийн барилдаан болж манай охидууд медальд хүрсэнгүй. Өнөөдөр хөвгүүдийн чөлөөт бөхийн тэмцээн эхэлж 42, 50, 58, 69, 85 кг-ын жингийн барилдаан болж манай 4 бөх барилдана.

Өнгөрсөн жил Серб улсын Сержанин хотод болсон өсвөрийн ДАШТ-нд З.Занабазар 54 кг-ын жинд хүрэл медаль хүртэж байсан.

Охид

46 кг              1. Ал Таугучи /Япон/

                                    3. Кристина Елена Золтан /Румын/

                                    3. Вероника Ряболова /Украин/

                                    3. Сужиата Сужиата /Энэтхэг/

7. Цэдэндамбын Лхамхүү /Баянхонгор аймаг/

Энэ жинд 10 бөх өрсөлдсөнөөс манай бөх Ц.Лхамхүү нэгдүгээр тойрогт японы бөх Ал Таугучитэй таарч 2:13 онооны харьцаагаар ялагдаж дагах барилдаанд казахстаны бөх Лаура Алмаганбетовад 12:14 онооны харьцаагаар дийлджээ.

40 кг               1. Юмека Танабе /Япон/

                        2. Оксана Ливач /Украин/

                        3. Александра Скиренко /ОХУ/

                        3. Динара Сулейманова /Киргиз/

10. Нямхүүгийн Азжаргал /”Алдар” спорт хороо/

Энэ жинд 13 бөх барилдсанаас манай бөх Н.Азжаргал нэгдүгээр тойрогт хийлж хоёрдугаар тойрогт украиний бөх Оксана Ливачтай барилдаж 0:10 онооны харьцаагаар дийлдэж дагах барилдаанд оросын бөх Александра Скиренкод 4:14 онооны харьцаагаар хожигджээ.

43 кг               1. Юи Сусаки /Япон/

                        2. Сону Сону /Энэтхэг/

3. Бямбасүрэнгийн Мөнхнар /”Алдар” спорт хороо/

3. Вероника Гурская /ОХУ/

Энэ жинд 13 бөх өрсөлдсөнөөс манай бөх Б.Мөнхнар нэгдүгээр тойрогт украиний бөх Евгения Павловаг цэвэр ялж хоёрдугаар тойрогт энэтхэгийн бөх Сонуд 6:10 онооны харьцаагаар хожигдож дагах барилдаанд польшийн бөх Магдалина Мажосыг цэвэр дарж ялж хүрэл медалийн төлөө грекийн бөх Лиза Эрселтэй барилдаж 1.41 минутанд цэвэр ялжээ.

46 кг               1. Михо Играши /Япон/

                        2. Мариана Колос /Украин/

                        3. Туркан Насырова /Азербайжан/

                        3. Морган Герард /Итали/

Энэ жинд 17 бөх барилджээ.

49 кг               1. Кики Кагата /Япон, өсвөрийн дэлхийн хошой аварга/

                        2. Лейла Курбанова /Азербайжан, европийн өсвөрийн аварга/

                        3. Виктория Ваулина /ОХУ/

                        3. Сузанна Сезарио /Румын/

10. Амгаланбаатарын Наранцацрал /”Алдар” спорт хороо/

Энэ жинд 18 бөх өрсөлдсөнөөс манай бөх А.Наранцацрал нэгдүгээр тойрогт хийлж хоёрдугаар тойрогт азербайжаны бөх, европийн өсвөрийн аварга Лейла Гурбановад 2:4, дагах барилдаанд польшийн бөх Анна Кролд 1:3 онооны харьцаагаар дийлджээ.

52 кг               1. Олёна Кремзер /Украин, өсвөрийн дэлхийн аварга/

                        2. Алёна Казымова /ОХУ/

                        3. Харуно Окуно /Япон/

                        3. Елена Брюггер /ХБНГУ/

16. Сэдбазарын Энхтунгалаг /БТСДуС/

Энэ жинд 19 бөх барилдсанаас манай С.Энхтунгалаг эхний тойрогт хийлж хоёрдугаар тойрогт германы бөх Елена Бругерртэй таарч 2:3 онооны харьцаагаар хожигджээ.

            56 кг               1. Ало Теша АНУ

2. Ксения Незговорова /ОХУ/

                                    3. Александра Волчанска /Польш/

                                    3. Куми Ирие /Япон/

            Энэ жинд 19 бөх өрсөлджээ.

60 кг               1. Буллен Грейс /Норвег/

                        2. Кумба Ларок /Франц/

                        3. Ангалена Лысак /Украин/

                        3. Юкако Каваи /Япон/

Энэ жинд 20 бөх барилджээ.

65 кг               1. Ханум Вилиева /ОХУ/

                        2. Ирина Капитонова /Казахстан/

                        3. Нелли Бринк /Швед/

                        3. Юлиана Янева /Болгар/

7. Энх-Амарын Даваанасан /БТСДуС/

Энэ жинд 15 бөх өрсөлдсөнөөс манай бөх Э.Даваанасан нэгдүгээр тойрогт румыний бөх Магалин Гуятай барилдаж 12:6 онооны харьцаагаар дийлж хоёрдугаар тоййрогт шведийн бөх Нейли Бриктэй барилдаж 0:2 онооны харьцаагаар дийлджээ.

            70 кг               1. Николь Амманн /ХБНГУ/

                                    2. Наталья Стржалка /Польш/

                                    3. Кристина Дудаева /ОХУ/

                                    3. Волха Зенина /Беларусь/

                                    16. Төмөр-Очирын Наранчимэг Сэлэнгэ аймаг, Ерөө сум,

 “Шинэ давалгаа” клуб/

Энэ жинд 17 бөх барилдсанаас манай бөх Т.Наранчимэг оросын бөх Кристина Дубаеватай таарч 0:7 онооны харьцаагаар дийлджээ.

Багийн дүн

Нэгдүгээр байр                     Япон, 77 оноо

Хоёрдугаар байр                   ОХУ, 65 оноо

Гуравдугаар байр                  Украин, 62                                            

Арван хоёрдугаар байр      Монгол, 18 оноо