Шведийн Гётеборг хотноо болж буй хүүхдийн хөлбөмбөгийн клубуудын Gothia Cup тэмцээнд манай улсаас “Дэрэн ФС Сумида”-гийн 12 настай болон 16 настай хөвгүүд амжилттай оролцлоо.

Эхлээд 12 насны ангиллынхан хасагдсан бол  16 насныхан ангилалынхаа шөвгийн дөрөвт хүртэл үлдэж чадсан байна.
Хөвгүүд эхлээд Германы багийг 0-2, Шведийн багийг 0-4 харьцаатайгаар хожин "Б" плэй оффын шилдэг наймд үлдсэн. Улмаар тэд өчигдөр орой 21.30 цагт Норвегийн багтай тоглон мөн л 3-1 харьцаатайгаар хожиж Б бүсийнхээ шилдэг 4-т шалгарсан юм.
Харин өнгөрсөн шөнө 02:15 цагаас Б бүсийн хагас шигшээд талбайн эзэн Шведийн багтай тоглон, 2-0 харьцаатайгаар хожигдсоноор тэмцээнээ өндөрлөжээ.