Ирэх 2015 онд БНХАУ-д зохион байгуулагдах Зүүн Азийн аварга шалгаруулах тэмцээний урьдчилсан шатны тоглолтууд өнөөдрөөс Гуам улсад эхэллээ. Энэхүү өрсөлдөөнд манай улсын Үндэсний хөлбөмбөгийн шигшээ баг оролцож байгаа бөгөөд тэд өнөөдөр Умард Марианы арлуудын шигшээ багтай эхний тоглолтоо хийнэ. Манай шигшээ багийнхан ирэх лхагва гаригт талбайн эзэн Гуам, энэ сарын 25-нд Макао улсын шигшээ багтай тоглоно. Нэгдүгээр шатаас шалгарсан нэг баг энэ оны арваннэгдүгээр сарын 11-18-нд БНАСАУ, Хонгконг, Тайванийн шигшээ багтай тоглож, ялагч нь Зүүн Азийн аварга шалгаруулах тэмцээнд өрсөлдөх эрхтэй болох юм.

Шигшээ багийн бүрэлдэхүүнд:

Дасгалжуулагч: Вожислав Бразулик (Серб мэргэжилтэн)

Хаалгач:
1. Б. Ариунболд (Эрчим клуб)
2. Б.Батмагнай (Улаанбаатарын Унаганууд)

Хамгаалагч:
1.Б.Гарьдмагнай (Сэлэнгэ Пресс)
2. Ц.Энхжаргал (Эрчим)
3. Б.Мөнгөнтулга (Сэлэнгэ Пресс)
4. Д.Лхүмбэнгарав (Хоромхон)
5. Г.Билгүүн (Эрчим)

Хагас хамгаалагч:
1. А.Чинзориг (ФК Улаанбаатар)
2. О.Баяржаргал (ФК Улаанбаатар)
3. Б.Дашням (ФК Улаанбаатар)
4. М.Төгөлдөр (Эрчим)
5. П.Алтантулга (Улаанбаатарын Унаганууд)
6. Х.Цэнд-Аюуш (Хоромхон)
7. А.Мөрөн (Тайландын Краби ФК)

Довтлогч:
1. С.Гал-Эрдэнэ (Эрчим )
2. Н.Наранболд (Хоромхон)
3. А.Цолмон (Континентал баг)

Ингээд шигшээ багийнхандаа амжилт хүсье.