Алдарт дуучин Селена Гомес шинэхэн шивээстэй болжээ. Тодруулбал тэрээр нуруун тус газраа араб хэлээр “Эхлээд өөрийгөө хайрла” гэсэн утгатай үгсийг шивүүлсэн байна.

Энэхүү шивээсийг Нью-Йорк хотын нэрт шивээсчин Bang Bang McCurdy хийсэн бөгөөд тэрээр  хүний бие дээр урлагийн бүтээл туурвисан нэгэн юм.

Шивээсчин эр энэ тухай “Найз Селена Гоместоо барьж буй миний өчүүхэн бэлэг” хэмээн дуучны зургийг нийтэлсэн байна.

Энэ нь Селена Гомезын анхны шивээс биш бөгөөд тэрээр баруун гуя, бугалга, хүзүүн дээрээ шивээстэй юм.