Манай хөлбөмбөгийн шигшээ баг өнөөдөр Макао улсын багт 3:2-ын харьцаатайгаар хожигдлоо. Ингэснээр  Зүүн Азийн аварга шалгаруулах тэмцээний урьдчилсан шатны тэмцээнээ өндөрлөж байгаа юм.

Тэд эхний тоглолтоо Умард Марианы арлуудын шигшээ багтай хийж 4:0-ээр буулган авсан. Гэсэн ч тэд уржигдар талбайн эзэн Гуамтай тоглож 2:0-ээр, өнөөдөр Макао улсын шигшээ багт 3:2-оор ялагдаад байна.

Энэхүү тэмцээнд нэгдүгээр байрт шалгарсан баг урьдчилсан шатны хоёрдугаар тойрогт Тайвань, Хонгконг, БНАСАУ-тай тоглох эрхийн эзэн болох байсан юм.