Их Монгол Улс байгуулагдсаны 808 жил, Ардын Хувьсгалын 93 жилийн ой, Үндэсний Их Баяр Нааадмын хүчит бөхийн барилдаанд түрүүлсэн улсын арслан Н.Батсуурьт “Химон констракшн” компани зургаан өрөө байр өгөхөөр болжээ.

Тус компани удирдлагууд өчигдөр өөрийн бөх, улсын арслан Н.Батсуурийн гаргасан амжилтыг үнэлж ирэх онд ашиглалтад орох Sunshine village хотхоны зургаан өрөө байраар мялааж, эрхийн бичгийг нь гардуулан өгсөн байна.

“Химон констракшн” компани 2011 онд Монголын барилгын топ 10 компанийн нэгээр шалгарч байсан нэр хүндтэй компани бөгөөд өдгөө Итали архитекторын шийдэл бүхий  Япон стандартын “Sunshine village” хотхоны төслийг хэрэгжүүлж байгаа юм.