Төв аймгийн наадамд у.з Ц.Баярсайхан, Д.Амгаланбаатар, Б.Батмөнх, Б.Соронзонболд нарын тэргүүтэй хүчит 256  бөх зодоглов.

Чөлөөт бөхийн Ази тивийн аварга, чөлөөт бөхийн ОУХМ, аймгийн харцага Доржхандын Хүдэрбулга найм даван түрүүлж аймгийн арслан цолд хүрсэн бол өнгөрсөн жилийн түрүү бөх Галсан-Очирын Ганжад арслан үзүүрлэж эрэмбээ ахиуллаа. Их шөвөгт Буянравжихын Энх-Очирхуяг, Ширнэндоржийн Алтангэрэл нар шалгарч аймгийн харцага цолд хүрлээ. Эрдэнэсантын Мягмарын Тэгшбаяр, Насанбатын Мөнхсайхан, Баяндэлгэрийн Чулуунбаатарын Мөнхбат, Батсүмбэрийн Ганболдын Пүрэвдорж нар тав давж аймгийн начин боллоо. Төв аймгийн наадамд цолд хүрсэн, шөвгөрсөн залуус цол цолдоо дүүрэн сайхан барилддаг залуус гэдгийг уншигчид маань сайн мэдэх болов уу.

Оноолтыг тавын даваанаас үзнэ үү.

Тавын даваа
1. Д.Амгаланбаатар у.з – Ш.Алтангэрэл с.з
2. Б.Батмөнх у.з – М.Тэгшбаяр с.з
3. Ө.Даваабаатар у.х – Г.Пүрэвдорж с.з
4. Ш.Жаргалсайхан у.ө.и.н – Н.Мөнхсайхан с.з
5. Ч.Батчулуун у.н – Ч.Мөнхбат с.з
6. Г.Ганжад а.а – Н.Баярбаясгалан с.з
7. Х.Мөнхжаргал а.з – Б.Энх-Очирхуяг с.з
8. Д.Хүдэрбулга а.х – Т.Батсайхан а.н

Зургаагийн даваа
1. Г.Ганжад а.а – Н.Мөнхсайхан с.з
2. Д.Хүдэрбулга а.х – Ч.Мөнхбат с.з
3. Б.Энх-Очирхуяг с.з – М.Тэгшбаяр с.з
4. Ш.Алтангэрэл с.з – Г.Пүрэвдорж с.з

Долоогийн даваа
1. Г.Ганжад а.а – Ш.Алтангэрэл с.з
2. Д.Хүдэрбулга а.х – Б.Энх-Очирхуяг с.з

Наймын даваа
1. Г.Ганжад а.а – Д.Хүдэрбулга а.х
Т.Түмэндэмбэрэл