Олноо Дамбын Хишигээ хэмээн алдаршсан Д.Хишигжаргал саяхан Булган аймагийнхаа Хөгнө Хан хайрханы өвөрт Монгол Улсын Манлай уяач цолынхоо найрыг хийжээ. Түүний найранд урлаг соёл, спортын олон томчууд оролцсон нь олны анхаарлыг татлаа. Морины уралдаанд л гэхэд 11 аймгийн 800 хүлэг тоосоо өргөсөн нь улсын наадмаас дутахгүй өргөн дэлгэр болсныг гэрчилж байна.
Бөхийн барилдаанд Улсын гарьд Б.Гончигдамба, заан Ч.Санжаадамба, Д.Баасандорж, М.Өсөхбаяр, харцага Ц.Содномдорж, Л.Пүрэвжав зэрэг олон бөхчүүд барилджээ. Ингээд үзүүр түрүүнд энэ жилийн улсын наадмын хамгийн будилаантай дуулиантай барилдааныг үзүүлсэн Б.Гончигдамба, Ч.Санжаадамба хоёр үлджээ. Наадмаар Ч.Санжаадамба давсан бол Дамбын Хишигжаргалд хүндэтгэл үзүүлэх барилдаанд Б.Гончигдамба давж түрүүлжээ.
24tsag.mn
Сэтгэгдэл (8)