Реппер Rokit bay-ийн “Эвдэрхий хүн” дууны клип Youtube сайтад байршсанаасаа хойш үзэгчдийг байлдан дагуулсан. Тус клип өнгөрсөн оны тавдугаар сарын 20-нд цацагдсан бөгөөд түүнээс хагас жилийн дараа нэг сая хандалт авсан нь манайдаа л дээд амжилт тогтоож байв. Тэгвэл "Эвдэрхий хүн" клип одоо ч тэрхүү рекордоо хадгарсаар явна. Өнөөдрийн байдлаар тус клипийг 1 сая 500 гаруй мянган хүн үзсэн нь Монголын хамгийн олон хандалттай видео клип болж байгаа юм. Сонирхуулахад "Нигүн" энтертайментын бүтээл "Эвдэрхий хүн" дууны клип өнгөрсөн жилийн “Mongolian Music Video Awards” наадмаас хоёр ч шагнал хүртсэн билээ.