Норвегийн Тромсо хотноо үргэлжлэн явагдаж буй Олон улсын шатрын холбооны 41 дэх олимпиад өндөрлөхөд гурван өрөг үлдлээ. Тэмцээний найм дахь өргийн тоглолт өчигдөр болж, эмэгтэйчүүд Филиппинийг хожиж, эрэгтэйчүүд Албаний багт хожигджээ.

Эрэгтэй шатарчид Албанийн багт 2.5:1.5 онооны харьцаатайгаар хожигдсон бол эмэгтэй баг тамирчид Филиппинийн багийг 3.1 онооны харьцаатайгаар хожсон байна.

Тэмцээний найман өргийн дараах байдлаар манай улсын эрэгтэй баг дөрвөн хожил, дөрвөн хожигдолтой, эмэгтэй баг таван хожил, нэг тэнцээ, хоёр хожигдолтойгоор тэмцээнийг үргэлжлүүлж байна.