Өмнөговь аймгийн Цогтцэций сумын түүхт 90 жилийн ойн баяр наадам энэ сарын 8, 9-нд болж өнгөрлөө.

Улаанбаатар хот, Дундговь, Дорноговь, Төв, Өвөрхангай, Говьсүмбэр, Өмнөговийн бусад сумдаас наадамчид зорин ирж тус сумын баяр наадмыг үзэж сонирхсон бөгөөд халхын олон цуутай хурд, монголын шилдэг хүчитнүүд цугларсан юм.

Улс бүсийн баяр наадамд түрүүлж айрагдсан хүлгүүд тус наадмын өнгөнд давхиж байсан бол Ажнай корпорацийн бөх Чимэдрэгзэнгийн Санжаадамба заан долоо даван түрүүлж, аймгийн хурц арслан Оюуны Гантулга үзүүр булаав. Өсвөр бөхийн барилдаанд Дундговь аймгийн Өлзийт сумын харьяат Д.Рэнцэнбат түрүүллээ.