"Милл" кино компани болон "Монголфилм групп"-ийн хамтын бүтээл "Ээжээ надтай гэрлээч" УСК өнөөдөр нээлтээ хийнэ. Тус киноны найруулагчаар Л.Лхагважаргал, Б.Мөнхбат, зохиолчоор Д.Мөнбат, зураглаачаар Б.Отгонзориг нар ажилласан байна. Харин гол дүрүүдэд жүжигчин Б.Хулан, У.Анхбаяр, Г.Ган-Очир /9 настай/, Б.Баттөмөр, Ч.Ундрал нар тогложээ. "Ээжээ надтай гэрлээч"  кинонд гэр бүлийн амьдралын зөрчил, салалт зэрэг нь  хүүхдэд  хэрхэн нөлөөлж байгааг харуулахыг зорьсон байна.

Киноны албан ёсны нээлт өнөөдөр 18:00 цагаас III, IV хорооллын "Өргөө" кино театрын гадна талбайд болно.