“Улс төрд шинэ манлайлагч” төслийн сурвалжлах баг Говь-алтай аймгийн Шарга суманд ажиллалаа. Сум орон нутгийн бүтээн байгуулалтад гар бие оролцож яваа залуус төслийн үйл ажиллагаанд идэвхтэй оролцохоо илэрхийлж байна. Хүйсийн говиос Халиуны хоолой хүртэл 160 км, говь, хээр хосолсон нутагт илгээлтээр ажиллаж байгаа залуусын төлөөлөлтэй уулзаж, төслийн танилцуулга, уулзалт ярилцлага хийсэн юм. Шарга сумын иргэдийн өвлийн бэлтгэлд зориулж, төв сууринд амьдардаг болон хотод суралцдаг залуус санал санаачилгаа нэгтгэжээ. Нийгэмд бухимдал төрүүлж байгаа шийдлээ хүлээсэн асуудлын нэгээхэн хэсгийг шийдэхийн тулд залуучууд нэгдэн ажиллахыг “Улс төрд шинэ манлайлагч” төсөл уриалж байгаа. Шинэ эрч хүч, багийн хамтын ажиллагаа, ажил хэрэгч хандлага үр дүнд хүрч болдгийг залуусын барьсан хашаа, хороо харуулна. Газар тариалан, дэд бүтэц, цахилгаан хангамж гээд Шаргын говьд залуусын нэгдэл хөгжил дагуулж, шинэ үеийг төрүүлж байна. Уулсынхаа өндрөөс усны ундаргатай шарга гол нь урсах, уудам хоолойд залуус нь шуудран ажиллана. Тэдний сэтгэл зүрх орон нутаг, сум багийнхаа төлөө хөгжлийн гарцыг эрэлхийлж “Улс төрд шинэ манлайлагч төсөл”-ийг дэмжиж байгаа илэрхийлэн эхний шатны шалгаруулалтын эсээгээ хамт олноороо хэлэлцэн биднийг үдлээ.