Энэ сарын 14-24-ний өдрүүдэд Польш Улсын Катовиц хотноо болсон шатрын оюутны ДАШТ-д их мастер Д.Шаравдорж, ФМ С.Ган-Од дасгалжуулагчтай манай баг тамирчид оролцоод ирлээ.

Тэмцээний эмэгтэйчүүдийн ангилалд нийт 26 тамирчин өрсөлдсөнөөс их мастер Б.Мөнгөнтуул есөн өрөгөөс зургаан хожил авсан /тав хожиж, хоёр тэнцэн, хоёр хожигдсон/ амжилтаар мөнгөн медаль хүртлээ. Саяхан их мастерийн болзол хангасан А.Энхтуул 3,5 оноогоор XXII дугаар байр эзэлсэн байна.

Харин эрэгтэйчүүдийг төрөлд 46 шатарчин ухаанаа уралдуулснаас их мастер Ц.Батчулуун 6 оноогоор V, ОУМ Г.Мөнхгал 5 оноогоор XVIII байрт шалгарчээ.