Өнгөрсөн наймдугаар сарын 12-29-ний хооронд “World Bikini Model Internaitonal 2014” тэмцээн болж өнгөрлөө. 48 орны сайхан бүсгүйчүүд өрсөлдсөн тус тэмцээнд мисс Н.Ану эх орноо төлөөлөн оролцсон бөгөөд тэрээр "1st runner up буюу дэд байр"-ын эзэн болжээ.

Н.Ану энэ талаар "Бүх охид л гоё сайхан, давтагдашгүй. Гэхдээ хүмүүжил, хувийн зохион байгуулалт, ур чадвар, алхаа гишгээ бусдад хандах хандлага, ааш зан, дотоод ертөнц чухал гэдгийг маш сайн ойлгосон. 18 хоног өдөр бүр 4 цаг унтаж байлаа" хэмээн өөрийн цахим хуудаснаа нийтэлжээ. Мөн тэрээр тус тэмцээний ивээн тэтгэгчидийн нэрэмжит "Best Popularity Model" буюу үзэгчдийн таашаалд хамгийн их хүрсэн моделийн шагналыг хүртсэн байна.