Сүүлийн үед монгол киночид уран бүтээлээ ар, араас нь гаргаж үзэгчдийг уйдаахгүй байгаа билээ. Энэ долоо хоногт  “Хувьсал” продакшны “Зүрхээр наадагч”, “UB beta" болон "Эрхэс" студын хамтын бүтээл "Эцсийн зогсоол Э цэг" кинонууд нээлтээ хийлээ. Мөн кино театруудийн дэлгэцнээ “А-Артист” продакшн, “Од” театрын бүтээл “Эх орон дуудаж байна”, "Милл" кино компани, "mongol film" группын “Ээжээ надтай гэрлээч” зэрэг  бүтээлүүд гарч байгаа билээ. Мөн ирэх долоо хоногт хоёр ч кино нээлтээ хийхээр хүлээж байна. Ингээд удахгүй нээлтээ хийх гэж байгаа мөн зураг авалт нь эхэлсэн монгол кинонуудыг танилцуулж байна.

1.    "Цэн тогоруу"
    Залуусын хайр сэтгэлийг өгүүлсэн “Цэн тогоруу” кино бол “Жинжиймаа” киног бүтээсэн уран бүтээлчид буюу найруулагч О.Машбат, жүжигчин Н.Батцэцэг нар юм.Энэхүү киноны нийт уран бүтээлчдийн 80 гаруй хувь нь 25 орчим насны залуус. Киноны гол дүрийн Э.Идэрболд, Б.Оюун-Эрдэнэ нарын шинэ, залуу жүжигчидээс гадна МУГЖ Б.Магсаржав, Ардын жүжигчин Д.Мэндбаяр, МУГЖ Н.Нэргүйбаатар, СТА Уухааны Батбаатар гээд дэлгэцийн шилдэг уран бүтээлчид "Цэн тогоруу" киног амилуулсан байна.
 Зохиолыг М.Бишрэл, М.Ивээл нар бичиж, ерөнхий найруулагчаар М.Ивээл, найруулагчаар О.Машбат, ерөнхий продюссероор МУГЖ Н.Батцэцэг нар ажиллажээ. Мөн киноны дууг П.Идэржавхлан амилуулсан байна. Монголчуудын аж байдал, нүүдэлчдийн уламжлалт амьдралын хэв маяг, хөдөө нутгийн байгалийн үзэсгэлэн, хөдөөгийн залууст тохиож буй бэрхшээл, тэдний хайр сэтгэл, амьдралын тухай өгүүлсэн “Цэн тогоруу ” кино ирэх пүрэв гарагт буюу 9-р сарын 11-нд нээлтээ хийнэ.

2.    “Миний ах атаман"
“Аз жаргалын шок” кино бүтээлчид “Фантастик” продакшн болон “F” студийн залуус энэ удаад “Миний ах атаман” нэртэй адал явдалт киног үзэгчдэд хүргэхэд цөөхөн хоног үлджээ. Киноны зохиолыг УДЭТ жүжигчин Б.Тамир бичсэн бөгөөд киноны ерөнхий найруулагчаар УДЭТ жүжигчин Б.Тамир, хоёрдугаар найруулагчаар Р.Эрхэмбүрэн, ерөнхий зураглаачаар Ц.Амартүвшин /F Studio-н Захирал/ нар ажиллаж байгаа гэнэ. Харин “Миний ах атаман” киноны гол дүрд жүжигчин М.Баярбат, Ж.Алтаншагай, Э.Алдар, Б.Барслхагва, Б.Батболд, МУГЖ Ц.Төмөрбаатар, Ж.Оюундарь, СТА жүжигчин М.Хулан, Ц.Төмөрхуяаг, С.Ариунбямба, А.Алтантөр нар тоглож байгаа юм байна. Киноны нээлт ирэх баасан гараг, 9-р сарын 12-нд болно.



3.    “Ар хударга”
“Үл таних эмэгтэй” кинонгоор олонд танигдаж, хамгийн сүүлд “Улаан пальто” кинонд тоглосон жүжигчин О.Долгор дахин нэгэн сонирхолтой кинонд дүр бүтээж байна. “Ар хударга” киноны зураг авалт саяхан эхэлсэн бөгөөд адал явдалт кино юм. Энэ киноны зургуудаас харахад үйл явдал ихтэй боевик кино бололтой. Зураг авалт эхлээд удаагүй байгаа тул уран бүтээлчид киноны тухай дэлгэрэнгүй мэдээлэл өгөх бодолгүй байгаа аж.

4.    “Аймшигт нүүдэл”
    Өнгөсөрсөн долоо хоногт зураг авалт нь эхэлсэн “Аймшигт нүүдэл” киноны зохиолыг МҮОНТ-ийн зөвлөх найруулагч, кино найруулагч, Ардын жүжигчин, Нацагдоржийн шагналт Г.Жигжидсүрэн, яруу найрагч, Соёлын гавьяат зүтгэлтэн П.Батсайхан нар бичжээ. Киноны ерөнхий найруулагчаар Г.Жигжидсүрэн, 2-р найруулагчаар А.Төгсбаяр, ерөнхий оператороор Ж.Отгондаваа ажиллаж байна. Кинонд Ардын жүжигчин П.Цэрэндагва, Төрийн шагналт Ц.Төмөрбаатар, сэтгүүлч, СГЗ Ш.Гүрбазар, СГЗ Ө.Нарангэрэл, СТА О.Бат-Ундрал болон бусад уран бүтээлчид оролцон тоглох аж. “Аймшигтай нүүдэл” киноны зураг авалт Завхан, Сэлэнгэ, Өмнөговь аймгуудад үргэлжилнэ. Кино ирэх оны хоёрдугаар сард дэлгэцэнд гарч үзэгчдийн хүртээл болох юм.   Киноны зураг авалт хангай, говь хосолсон гурван аймагт дамнан үргэлжлэх юм. Кино ирэх 2015 оны хоёрдугаар сард дэлгэцэнд гарах бололтой.

5.    Сүүлчийн шөнө
    Үзэгчид удахгүй “Сүүлчийн шөнө” нэртэй мелодрат киног хүлээн авах нь. Энэ нь УДЭТ-ын Ерөнхий найруулагч Н.Наранбаатарын дэлгэцийн шинэ бүтээл юм. Кино зохиолыг МУСГЗ Ш.Гүрбазар бичжээ. Тус киноны үйл явдал хүний амьдралын гурван үеийн хайр дурлалыг харуулах бөгөөд анхны хайр, амьдралд ямар үнэ цэнэтэй, хүний амьдралыг тэтгэгч хүч нь болсон хайр, зүрх бүхний гүнд ямархан удаан оршиж байдгийг өгүүлэх юм байна. “Сүүлчийн шөнө” мелодрам уран сайхны киноны гол дүрд төрийн соёрхолт, гавьяат жүжигчин Ц.Төмөрбаатар, Гавьяат жүжигчин Н.Батцэцэг, Соёлын тэргүүний ажилтан О.Оюун, С.Болд-Эрдэнэ, О.Гэрэлсүх, Н.Отгонтогос, УДЭТ-ын жүжигчин М.Тогтохжаргал, Баярмаа, залуу жүжигчин Т.Билэгжаргал, Н.Мөнгөнсүх, О.Дөлгөөн нар тоглож байгаа аж. Энэ кино нь "Парамайнд Арт" болон "Тэнгри Консепт", "UB Film Media group" нарын хамтын бүтээл юм. Киноны нээлтийг ирэх 10-р сард хийхээр төлөвлөжээ.
 
 
 
6. Хүдэн
 "Жаалхүү фильм" болон "Хишигтэн" нэгдлийн хамтын уран бүтээл "Хүдэн" нэртэй кино дэлгэцэнд гарахаар бэлдэж байна. Гол дүрийг МУСТА Ч.Болд тогложээ. Мөн олны танил жүжигчдээс МУСТА Н.Төмөрбаатар, Н.Ялалт, А.Цэгмид нар оролцон тоглосон байна.