Баянхонгор аймгаас сонгогдсон УИХ-ын гишүүн Д.Ганбат, Х.Баттулга нар өөрсдийн цалингаараа оюутны тэтгэлэгт хөтөлбөр зарлажээ. Энэ тэтгэлэгт дотоодын их, дээд сургуулийн 1-3 дугаар курсын оюутнууд хамрагдана. Хамгийн гол нь Баянхонгор аймгийн харьяалалтай байх ёстой юм байна. Тэтгэлэгийг сум бүрээс 4, аймгийн баг бүрээс 2 нийт 94 оюутанд олгох аж.

 Манай УИХ-ын гишүүд сар бүр 1 сая төгрөгийн цалин авдаг. Тэгвэл энэ цалингаа хамгийн үр дүнтэй зарцуулдаг нь Баянхонгорын гишүүд боллоо. Энэ тэтгэлэгийн ачаар ар гэрийн боломжгүй оюутнууд сургалтын төлбөртэй болох бол нөгөө талаас хоёр гишүүний нэр хүнд нутагтаа улам өсөх нь гарцаагүй. Тэтгэлэгийн талаарх дэлгэрэнгүй мэдээллийг үзнэ үү.