Узбек улсын нийслэл Ташкент хотын “Гимнастикийн ордон”-д болж байгаа ДАШТ-нд МҮОНРТ-ийн Гадаад харилцааны хэлтсийн дарга Бадамдоржийн Лхагвасүрэн танхимын тайлбарлагчаар ажиллаж байна.

    Б.Лхагвасүрэн нь “Mongolian Open” тэмцээнд 3 удаа, манай оронд болсон Азийн өсвөр үеийн болон залуучуудын аварга шалгаруулах тэмцээнд англи хэл дээр тайлбарыг цээл тод сайхан дуугаар, соёлтой, чөлөөт бөхийн спортын өргөн мэдлэгтэйгээр хийж байсан нь дээрх тэмцээнүүдэд “Дэлхийн бөхийн ертөнц” холбооноос томилогдон ирж ажиллаж байсан төлөөлөгчдийн нүдэнд өртсөн бололтой, энэ удаа ДАШТ-нд тайлбарлагчаар уригдан ажиллаж байна.
    Б.Лхагвасүрэн нь орос 3 дугаар арван жилийн дунд сургууль, МУБИС-ийн Дүрслэх урлаг, технологийн сургуулийн төгсөгч юм. Англи хэлийг эх орондоо сурчээ.