Зуны амралтын нэг сар кино жагсаалтынхаа мэдээллийг түр зогсоосон байсан төдийгүй Өргөө кино театр монгол шинэ кино тавигдахгүй байсан учир Монгол киноны ашиг орлогын мэдээлэл цаг бүртээ мэдээлэгдэхгүй байсныг учирлан дуулгамаар байна. 9.11-ны байдлаар Тэнгис кино театрт долоон шинэ кино гарч байгаа бол Өргөө кино театрт гурван монгол кино гарч эхлээд байна. Өнгөрсөн долоо хоногт нээлтээ хийсэн Зүрхээр наадагч кино ганцхан долоо хоногийн дотор 103,955,831 төгрөгийн ашиг орлого хийсэн бол араас нь Эцсийн зогсоол Э цэг кино 26,254,845 төгрөгийн орлогоор удаалж байна.