Солонгос улсын Инчон хотноо болж буй 17 дахь удаагийн Азийн спортын тоглолтод оролцож буй Монгол тамирчдын 2014 оны 09 сарын 22-ны буюу Даваа гаригийн тэмцээний хуваарийг танилцуулъя.

Монголын эрэгтэй сагсан бөмбөгчдийн баг А хэсэгт багтсан ба энэ өдөр 14.00 цагт Инчон хот дах Самсан Уолд  спорт зааланд  Кувейт улсын шигшээ багтай тоглоно.

Эрэгтэй жүдочдын 90 кг жингийн  шилдэг 16-д үлдэх барилдаан Инчон хот дахь Дувон спорт зааланд тамирчин Лхагвасүрэнгийн Отгонбаатар Лэбанон улсын тамирчин Саадэ Чарбелтай барилдах ба энэ өдөр тэмцээн шилдэг 8 тамирчнаа шалгаруулна.

Эмэгтэй жүдочдын 78 кг жингийн шилдэг 8-д үлдэх барилдаанд Монгол улсын тамирчин Баттулга овогтой Мөнхтуяа, Тайваний тамирчин Ванг Чүтэй мөн спорт зааланд барилдана. Тэмцээн финалд оролцох тамирчдаа шалгаруулах хүртлээ үргэлжилнэ.

Эрэгтэй жүдочдын 100 кг жингийн шилдэг 16-д үлдэх барилдаан мөн зааланд болох ба Монгол улсын тамирчин, Олимпийн аварга Найдангийн Түвшинбаяр, Таджикстан улсын бөх Курбанолдтай барилдана.

Эмэгтэй жүдочдын нэмэх 78 кг жингийн шилдэг 8-д үлдэх барилдаанд Монгол улсын тамирчин  Одхүү овогтой Жавзмаа, Индонези улсын тамирчин Куартай барилдана. Тэмцээн финалд оролцох тамирчдаа шалгаруулах хүртлээ үргэлжилнэ.

Эрэгтэй жүдочдын нэмэх 100 кг жингийн шилдэг 8-д үлдэх барилдаанд Монгол улсын тамирчин Өлзийбаяр овогтой Дүүрэнбаяр, Казакстаны тамирчин Шинкеевтэй барилдана.