МУХТеатр нь 66 дахь жилийн намар цагийн үзвэрийн нээлтээ 10-р сарын 11-ээс эхлэн нээх гэж байна. Тэд сүүлийн 5 жил намар намартаа хөдөө орон нутгийн хүүхэд багачуудад хүрч уран бүтээлээ толиулдаг байсан бол энэ жил хотын хүүхэд багачуудадаа “Хүүхэлдэйн театртай танилцаарай буюу багц жүжгүүд”-ийн аянаа эхэлж байна. Уг аяны хүрээ нь 3-7 насныханд зориулсан “Хүүхэлдэйн жүжгийн багц, 8- дээш насныханд зориулсан “Хүүхдийн жүжгийн багц” гэсэн ангилалтай ба, Хүүхэлдэйн жүжгийн багцад:- В.Катаев “Долоон дэлбээт цэцэг”
- Монгол ардын үлгэр “болдоггүй бор өвгөн”
- С.Маршак “Тэнэг бяцхан хулгана” жүжгүүд.
Хүүхдийн жүжгийн багцад:
- С.Эрдэнэболд, Ц.Хулан “Лусын хааны охид”
- О.Уайльд “Одноос төрсөн ханхүү”
- С.Маршак “Арван хоёр сар” жүжгүүд багтсан байна. Багц тус бүр гурав гурван жүжгээс бүрдэх ба тасалбарыг 50%-ийн хямдралтай буюу ердөө 5000 төгрөгний үнэтэй. Үзэгч хүүхдүүд маань 10,11,12 саруудад жүжгүүдээ нэг нэгээр нь хүлээн авч үзэх бөгөөд хүсвэл аав ээж, эмээ өвөө, ах эгчтэйгээ дээрхи үнээр үзэх боломжийг тус театр олгож байгаа. Энэхүү аяны хүрээнд цэцэрлэгийн бяцхан хүүхдүүдийгээ ч мартаагүй. Учир нь хүйтний улирал эхэлж байгаатай холбогдуулж явуулын мини театраараа цэцэрлэг дээр нь хүрч үйлчлэх арга хэмжээг зохион байгуулна. Дашрамд дурьдахад дээрхи уран бүтээлүүдэд хүүхэлдэйн театрын нийт уран бүтээлчид, мөн театрын захиалгаар ОХУ-ын Санктпетрбургийн Театр Урлагийн академийг 4 жил хүүхэлдэйн жүжигчин мэргэжлээр сураад төгсөж ирсэн 10 залуу жүжигчид нь ч оролцож байгаа юм. / Хавсралт хуваарь хавсаргав./
“Хүүхэлдэйн театртай танилцаарай буюу багц жүжгүүд”-ийн сарууд
1. “Долоон дэлбээт цэцэг” - X/11,12,31 өдрүүдэд 1300, 1500
2. “Лусын хааны охид” - X/17,18,19,24,25,26 өдрүүдэд 1400
3. “Болдоггүй бор өвгөн” - XI/1,2,7,8,9,14 өдрүүдэд 1400
4. “Одноос төрсөн ханхүү” - XI/15,16,21,22,23,30 өдрүүдэд 1400
5. “Тэнэг бяцхан хулгана” - XII/5,6,7,12,13,14 өдрүүдэд 1400
6. “Арван хоёр сар” -XII/25,26,27,28,29,30 өдрүүдэд 1400
харилцах утас: 321669,95951669.96981669.
мэдээллийг: www.puppettheatre.mn
