Сүүлийн үед АНУ-д бэлгийн гаж хандлага гэр бүлийн хүчирхийллийг нэмэгдүүлэх болжээ. Үүний нэгэн жишээ нь таван настай охиноо хүчирхийлсэн эцэг, эх хоёр юм.

Өнгөрсөн жил “Маури” телевизийн нэвтрүүлэгт оролцож байсан Алабама мужийн хос өнөөдрөөс ялаа эдэлж эхэллээ. Тэд дээрх шоунд “Би хамтрагчдаа хайртай, эксдээ ч бас... Харин хүүхдийн эцэг нь хэн бэ?” гэсэн сэдвээр 2013 оны 9 сарын 19-нд оролцож, нэвтрүүлэг 2013 оны 10 сарын 7-ний өдөр цацагджээ. Охины эцэг болох 21 настай Дэвид Энтонни Уилльямс энэ сарын гуравны өдөр баривчлагдсан байна. Тэрээр нэвтрүүлэгт оролцох үеэрээ охинлуугаа 6-р сард дайрсан, гэхдээ энэ тоглоом байсан хэмээн ярьсан нь сэжигтэй байсан бөгөөд цагдаа нар мөрдлөг хийсний эцэст таван настай охин бэлгийн хүчирхийлэлд өртсөн болохыг тогтоожээ. Калхоун хотын цагдаагийн мэдээлснээр эхнэр 25 настай Британнид Дэй энэ хэргийг нуун дарагдуулсан буюу бэлгийн гаж хандлагыг хүлээн зөвшөөрсөн хэрэгт буруутгагджээ. Аав нь хүчирхийлсэн тухай охин нь түүнд хэлж байсан ч цагдаад мэдэгдээгүй өнгөрч, охиноо хүнд хэлбэл зодно хэмээн дарамталсан байна.

Дэвид Энтонни Уилльямс шоронд сууж, харин Британни Дэй 7500 долларын батламжаар суллагдсан бөгөөд энэ сарын 30-ны өдөр шүүх хурал нь болох аж.
Цагдаа нар телевизийн шоугаар гарсан хүүхэд бодит хохирогч биш зохиомол болохыг анхааруулсан бөгөөд хохирогч охиныг асран хамгаалалтад авчээ.

Д.Идэр