“Исламын улс” бүлэглэлийн заналхийлэл Сири, Иракийн хилийг давж, хөрш зэргэлдээ Ливан улсын ард иргэдийг айдаст автууллаа. Сири-Ливаны хил хамгаалах ажилтнууд айдастай амьдрах болжээ. Сүүлийн дөрөв хоногийн дотор Ливаны хойд хэсэгт армийн цэргүүд болон суннит урсгалынхны дунд мөргөлдөөн гарсаны улмаас 20 гаруй хүн амь үрэгдсэн байна.
 Исламын улс бүлэглэлийн дайчид, жихадууд Сирийн хилээс 20 бээр хүрэхгүй зайтай орших Арсал хотод бөөнөөрөө орж ирсэн гэж хил хамгаалагчид мэдээлэв. Үүнтэй холбогдуулан хэт даврагчид хотын Христийн шашинт иргэдийн эсрэг дайрах вий хэмээн иргэд эмээх болжээ.

Христийн шашинт 300 гаруй хүн гэр бүл, үр хүүхдээ хамгаалахаар армид сайн дураараа нэгдэхээ мэдэгдээд байна. Энэ хооронд Ливаны Триполи хотын оршин суугчид хэт даврагчдаас зугтаж, хэдэн мянгараа орон гэрээсээ дүрвэжээ. “Би шөнөд хар дүрж зүүдлэх боллоо. Тэд манай тосгоныг эзэлнэ гэсэн” хэмээн хэт даврагчдад хулгайлагдаад зугтаж чадсан 76 настай жолооч Макул ярив.

    Ливанд Христийн шашинтнууд Исламынхнаас дутахааргүй эрх мэдэлтэй байдаг. Хүн амынх нь 40 хувь Христ гэсэн судалгаа бий.
 2013 онд 2100 Христчүүд итгэл үнэмшлээсээ болж амиа алдсаны дийлэнх нь Сирийн иргэд байна.