Ираны 26 настай иргэн Рейхани Жаббариг долоон жил өргөст торны цааны хорьж байгаад өнгөрсөн долоо хоногт дүүжлэн хороосон билээ. Тагнуулын албанд ажиллаж байсан Жаббари өөрийг нь хүчиндэхийг завдсан эрийг ар нуруу руу нь хутгалж хөнөөснийхөө төлөө цаазын ял сонссон юм.
    Хохирогчийн ар гэрийнхний гомдолд үндэслэсэн түүнийг цаазласныг хүний эрхийг хамгаалагчид эрс зэмлэн буруушааж байна. Талийгаач бүсгүй шоронд байхдаа ээждээ хэд хэдэн удаа захидал бичсэнийг Ираны идэвхтнүүд илрүүлжээ.
   
    Тэрээр эрхтэн шилжүүлэн суулгах шаардлагатай хүмүүст туслаж, донор болох хүсэлтэй гэдгээ захидалдаа бичиж байв. Рейхани “Би нас барсаныхаа дараа газрын хөрсөнд ялзрахыг хүсэхгүй байна. Нүд, зүрхээ газрын хөрсөнд үлдээхгүй. Тэгэхээр намайг дүүжлүүлсэний дараа зүрх, бөөр, нүд, ясыг минь бусад хүмүүст шилжүүлэн суулгаж туслаарай” гэжээ. Бас “Бурханы юу хүсч буйг харцгаая. Ээж таныгаа нас барахаасаа өмнө тэвэрмээр байна. Хайртай шүү” гэж бичсэн байна.