Сүү нь кальци, нэмэлт тэжээлээр баялаг тул ясны сийрэгжилтээс хамгаалдгийг хүн бүр мэднэ. Гэхдээ эрдэмтэд сүү нь ясыг бэхжүүлэхдээ тийм ч сайн биш төдийгүй эрт нас барахад нөлөөтэй гэдгийг тогтоожээ.

    Шведийн Уппсала их сургуулийн эрдэмтэд сүү түлхүү хэрэглэдэг 61 мянган эмэгтэй, 45 мянган эрэгтэй хүнийг 20 гаруй жилийн турш судлахад хугарсан ясыг бэхжүүлэхэд ямар ч нэмэргүй байсан гэнэ. Харин ч эмэгтэйчүүдийн ясыг хэврэгшүүлэх магадлал өндөр гэж үзжээ. Тиймээс 680 мл буюу 3 аяга сүү уух шаардлагагүй. Хүн өдөрт 550 мл сүү уухад кальци хангалттай нөхдөг байна.

    Британид гэхэд бараг 3 сая хүн кальцийн дутагдалд орж, яс сийрэгжих өвчнөөр шаналдаг. 50-аас дээш насны эмэгтэйчүүдийн тэн хагас, эрчүүдийн 20 хувь нь ясны сийрэгжилттэй байдаг ажээ.
    Сүү кальци ихтэй нь үнэн. Гэхдээ сүүний тослог кальцийн үр нөлөөг бууруулж, үрэвслийн эхлэлийг тавих, зүрхний шигдээс болох эрсдэлийг нэмэгдүүлдэг байна. Харин бяслаг, тараг зэрэг тослог багатай цагаан идээ А витаминаар баялаг тул, хөгшрөлт, ясны сийрэгжилтээс хамгаалдаг.