Цэргийн сургуулилтад оролцож буй Оросын 26 бөмбөгдөгч, танкер, байлдааны онгоцууд Европын агаарын замаар нисч, тээврийн компаниудын үйл ажиллагаанд саад хийсэн гэж Нато мэдээлэв. Tu-95 болон Bear H бөмбөгдөгч онгоцууд Британийн нутаг дэвсгэр дээгүүр ниссэн гэж “Dailymail” онцолжээ.
Харин цэргийн сургуулилтад оролцож буй Оросын холбоотнууд Европын нутаг дэвсгэр дээгүүр нэг ч онгоц нисээгүй гэж үгүйсгэж байна.
Их Британийн эзэн хааны нисэх хүчний туршлагатай нисэгчид Оросын онгоцуудыг харсан гэж гэрчилжээ. Мөн Атлантын далайгаас Португалийн баруун хэсгийг чиглэн байлдааны онгоцууд нисч, иргэний агаарын тээврийн онгоцуудад саад хийсэн ажээ. Түүнчлэн Бальтын тэнгис, Хар Тэнгисийн дээгүүр нисч явахдаа Туркийн онгоцны замд саад болсон гэнэ.
“Оросын онгоцууд иргэний агаарын тээврийн онгоцнуудын замаар зорчих эрхгүй. Иргэний онгоцны замд саад хийсэн энэ үйлдлийг тэвчихгүй” гэж Нато мэдэгдсэн байна. Украины Крымийг өөртөө нэгтгэсний дараа Орос болон Европын холбоо-АНУ-ын харилцаа муудсан билээ. Үүнтэй холбоотойгоор Орос дайснууддаа сануулга өгөх гэж байлдааны онгоцоо нисгэсэн гэж ажиглагчид тайлбарлаж байна. Тиймээс иймэрхүү байдлаар сүрдүүлвэл цэрэг, армиа бэлэн байдалд оруулна гэж Натогийн нарийн бичгийн дарга Женс Столтенберг анхаарууллаа.
Орос-Барууны харилцаа улам хурцадсаар хүйтэн дайны шинжтэй болж байна. Гэхдээ олон зуун хүн тээврлэж яваа иргэний онгоцуудаар оролдох ёсгүй гэж хүний эрхийг хамгаалагчид буруушаав. Энэ онд Украины газар нутагт осолдсон Нидерландын МН17 онгоцны осолд буруутай этгээдүүдийг өнөөг хүртэл олж тогтоогоогүй байгаа билээ.
Сэтгэгдэл (7)