Монгол Улсад орчин цагийн Үлээвэр хөгжим үүсч хөгжсөний 100 жилийн ойг тохиолдуулан Цэргийн дуу бүжгийн эрдмийн чуулга болон Олон нийт цагдаагийн хамтын ажиллагааны төвтэй хамтран “Хийморь бадраасан 100 жил” сэдэвт уулзалт өдөрлөгийг зохион байгууллаа.ЦДБЭЧ, Үлгэр жишээ үлээвэр найрал хөгжим, БХИС-ийн Цэргийн хөгжмийн сургууль, ХЦДБЧ, Онцгой байдлын ерөнхий газрын Аврах тусгай ангийн дэргэдэх үлээвэр хөгжим, Монголын Үлээвэр хөгжимчдийн холбоо зэрэг 13 байгууллагын төлөөлөл оролцож орчин үеийн урлагт Үлээвэр хөгжмийн оруулсан хувь нэмэр, цэргийн үлээвэр хөгжимчдийн гүйцэтгэсэн үүрэг зэрэг сэдвүүдээр санал солилцов.
