Цагдаагийн хэд хэдэн ажилтан, мэргэжлийн хяналтын байцаагч нар хамтран хураасан эд зүйлээ хувьдаа завшсаныг Зохион байгуулалттай гэмт хэрэгтэй тэмцэх газрын ажилтнууд илрүүлэн АТГ-т шалгуулахаар шилжүүлсэн байна. Тодруулбал, СХД-ийн Замын цагдаагийн тасгийн зохицуулагч, ахмад З, зохицуулагч, ахлах ахлагч Б, тус дүүргийн Цагдаагийн нэгдүгээр хэлтсийн Хэв журам хамгаалах тасгийн офицер, ахмад Х, жолооч, ахлах ахлагч Б нар Завхан аймгаас нийслэл рүү оруулах гэж байсан их хэмжээний тарваганы боодгийг илрүүлжээ. Улмаар СХД-мийн Мэргэжлийн хяналтын улсын байцаагч Э, Т, Хан-Уул дүүргийн Мэргэжлийн хяналтын хэлтсийн улсын байцаагч Э нартай хамтран хураан авсан байна.  Өөрөөр хэлбэл, 110 ширхэг тарваганы боодог байсныг тэд улсын орлого болголгүй өөрсдөө тохиролцон хуваан авчээ.