Бээжин хотноо болж буй АПЕК-ийн орнуудын 22 дахь чуулга уулзалтад Си Зиньпин Хятадын удирдлага дор Ази-Номхон далайн мөрөөдлийг бий болгох зорилт тавьж буйгаа мэдэгджээ. 21 гишүүн оронтой АПЕК нь дэлхийн хүн амын 40 хувийг эзэлж, худалдаа, эдийн засгийн орлогын талаас илүү хувийг бүрдүүлдэг. Хятад Ази-Номхон далайн орнуудад чөлөөт худалдаа явуулахыг эрхэмлэж байгаа ажээ.
“Хятад бүх хөрш орнуудтайгаа дасан зохицож амьдарна. Бид өөрсдийн эрх ашгийг тулган шаардахгүй” гэж ерөнхийлөгч Си Зиньпин ярьсан байна. Энэ зарчмыг баримталсанаараа Хятад дараагийн 10 жилд хөрөнгө оруулалтыг 1,2 их наяд долларт хүргэж, таван жилийн дотор гадаадаас ирэх жуулчдыг 500 саяд хүргэнэ гэж төлөвлөжээ.