Хойд Солонгосын удирдагч агсан Ким Чен Ирийн бие хамгаалагчаар ажиллаж байсан Ли Ён Гук ноцтой баримтуудыг дэлгэжээ. Тэрээр одоогийн удирдагч Ким Чен Уныг эцгийгээ ичгүүртэй байдалд оруулдаг байсан төдийгүй ухаан бодлогогүй, харгис хэрцгий зантай нэгэн гэдгийг шүүмжилсэн байна. Мөн нэгэн дээд албан тушаалтныг цэргийн хуарангаас хөөж, өөрийнхөө хэрэглэсэн үнсний савыг цэвэрлүүлсэн гэнэ.

     “Ким өөрийгөө удирдагч биш Бурхан гэж боддог. Ямар ч нөхцөлд өөрийгөө хамгаалахыг хичээдэг” хэмээн Ли ярьсан байна. “Тиймээс л зөвлөхүүд нь түүнд үнэн байдлыг нь хэлэхээс айдаг. Заримдаа зөвлөхүүд нь түүний ирж буйг алсаас хараад өвсөн дунд нуугддаг. Тэд амиа алдахгүйн тулд Ким Чен Унд тал засдаг” гэв.

Бие хамгаалагч Ли Ён Гук нь 1990-ээд онд Хойд Солонгосоос зугтан гарах гэж байгаад улс төрийн лагерьт хоригдсон байна. Гэхдээ яваандаа Барууны орон рүү дүрвэн гарч чадсан ажээ.