АНУ-ын ерөнхийлөгч Барак Обама Хятадын удирдагч Си Зиньпинтэй хамт оройн зоог барьж, албан ёсны яриа өрнүүлсэн байна. Дэлхийн хамгийн хүчирхэг эдийн засагтай хоёр улс хамтын ажиллагаагаа өргөжүүлэх зорилт тавьжээ. Гэхдээ хэд хэдэн чухал асуудлаар шийдэлд хүрч чадсангүй.
Өмнөд Хятадын тэнгистэй холбоотой газар нутгийн маргаанд Хятадын тал өдөөн хатгасан байр суурьтай оролцож, цахим халдлагуудыг удаа дараа үйлдэж буйд санаа зовж буйгаа Обама илэрхийлэв. Харин Си Зиньпин Америкийг Азид гол тоглогч байж, Хятадын байр суурийг булаах оролдлого хийж буйг шүүмжилсэн байна. Хоёр орны удирдагчид АПЕК-ийн чуулганаар уулзахдаа Бээжинд чөлөөт худалдааны бүсийг байгуулах асуудлыг дахин судлаж үзэхээр тохиролцжээ.