Ройтерс агентлагийн гэрэл зурагчин Сифрейд Модола Кени улсын Покот омгийн дөрвөн охины эмгэнэлт хувь заяаг дэлхий нийтэд гэрчилжээ. Охидод амьтны арьс нөмрүүлэн, цагаан өнгөөр биеийг нь будаж, том чулуу үүрүүлдэг аюултай уламжлалыг Кенид гурван жилийн өмнө хуулиар хориглосон ч өнөөг хүртэл хэрэглэсээр байна. Чулуугаа дааж чадахгүй болсон охид эцэж цуцан, эцэстээ цус алддаг ажээ. Ийм зэрлэг ёслол үйлдсэнээрээ охидын онгон хальсыг цоолж, эмэгтэй хүн болсон гэж үздэг.

Мөн охидын хэлүү, гадна хальсыг тайрч, үтрээг нь оёдог. Ингэснээр эмэгтэй хүний бэлгийн дур хүслийг бууруулж байгаа юм. Энэ харгис үйлдлээ хийхдээ сахлын хутга, хайч, хагарсан шил зэргийг хэрэглэнэ.

Ази, Ойрхи Дорнодын 29 улсад охидын бэлгэ эрхтэнд мэс хүргэх уламжлал өнөөг хэр нь хэвээр хадгалагдаж, 125 сая гаруй эмэгтэй хохирогч болсон гэдэг тооцооллыг Юнисеф байгууллага гаргажээ.

Кени улсад дээрх зэрлэг аргыг хэрэглэсэн хүнийг бүх насаар нь хорих ялаар шийтгэдэг. Гэвч өнгөрсөн гуравдугаар сараас хойш 50 гаруй хүн энэ хэрэгт холбогджээ. Эрх баригчид энэ заншлыг үгүй хийнэ гэдэг итгэлтэй байдаг ч санаа зовоосон асуудал хэвээр байна.