Яг одоо Сонгино хайрхан дүүрэг дэхь Хар хорин захын гадна талбайд худалдаа наймаа эрхлэгчид эсэргүүцлийн жагсаал хийж байна. Тэднийг нийтийн эзэмшлийн талбайг чөлөөлж өгөхийг эрх бүхий байгууллагаас шаарджээ. Тодруулбал, тус захын гаднах талбайд наймаа хийхийг хориглосон байна. Харин наймаачид "Хоногийн хоолоо залгуулдаг газрыг минь булааж байна. Бидэнд ажлын байр байхгүй. Түрээслэх талбай ч байдаггүй. Энд зогсож хэдэн төгрөг олдог. Тэгэж хөөх гээд байгаа юм бол эхлээд бидэнд ажлын байр гаргаж өгөх хэрэгтэй" хэмээн ярьж байна.

Тиймээс наймаачид тус захын арын замыг нь тэр чигээр нь хааж зогссон байна. Тэд бараагаа ч мөн зам дээр гаргаж дэлгэжээ.

Энэ талаарх дэлгэрэнгүй мэдээллийг удахгүй хүргэнэ.