Бодибилдинг, фитнесийн дэлхийн аварга шалгаруулах тэмцээн Энэтхэгийн Мумбай хотноо үргэлжилж байна. Тэмцээний эхний өдөр манай улсын тамирчин, Монголын дөрвөн удаагийн мистер, үнэмлэхгүй аварга Ж.Нурлан +80 кг-ын жинд аваргын алтан медалийн эзэн болжээ. Энэ нь манай бодибилдингчдын дэлхийн аваргаас хүртсэн анхны алтан медаль юм.
                  Мөн тус тэмцээнд оролцсон Б.Хүсэлтүвшин мөнгөн медаль хүртэж ДАШТ-ний эхний өдөр манай тамирчид хос медалийг хүртжээ. Урд нь манай тамирчид ДАШТ-аас ердөө ганц медаль хүртэж байсан бөгөөд 2013 онд Б.Оюунгэрэл модел ангилалд хүрэл медалийн эзэн болж байлаа. Дэлхийн аваргын анхны алтан медалийг авсан Ж.Нурлан нь 2004, 2005, 2006, 2012 оны УАШТ-ний үнэмлэхүй аварга "Монголын Мистер", 2012 оны ААШТ шагналт V байр, 2013 ААШТ-ний +85 кг-ын жинд  хүрэл медаль тус тус хүртсэн манай улсын шилдэг бодибилдингч юм.