BBC агентлаг 2014 оны онцлох 10 киног танилцуулж байна.
10. Whiplash
Дамьен Чазелийн зохиож найруулсан энэ кино 3,3 сая доллараар бүтээд 6,1
сая долларын ашиг олжээ. Залуу бөмбөрчний тухай өгүүлэх Whiplash киног
шүүмжлэгчид нийгэмд сэтгэгдэл төрүүлсэн бүтээл гэж үнэлсэн байна.
Гардиан сонины Хенри Бернс “Дүрээ хөгжимд дурласан хүн, хувь хүн гэдэг
аль аль талаас нь харуулж чадсан ховор бүтээл” гэж нэрлэжээ.
9. Birdman
Инээдмийн төрлийн энэхүү киног Алехандро Гонсалес Иньярриту найруулжээ.
Киноны нийт төсөв 18 сая болж, 23,3 сая ам долларын ашиг олсон байна.
Birdman нь 71 дэх удаагийн Венецийн кино наадам буюу аравдугаар сарын
17-нд нээлтээ хийсэн даруйдаа үзэгчдийг байлдан дагуулжээ. 72 дахь
удаагийн Алтан бөмбөрцөг наадмын 7 төрөлд нэр дэвшиж, гурван шагнал
авсан ажээ.
8. The Lego Movie
“Pixar” филмийн “The Lego movie” хүүхэлдэйн киног Америк, Данийн
компьютер графикчид бүтээжээ. Энэ бүтээл 2014 оны хоёрдугаар сарын 7-нд
театруудад нээлтээ хийсэн байна. Хүүхэлдэйн кино шүүмжлэгчдээс өндөр
үнэлгээ авахын зэрэгцээ дэлхий даяар нийт 468 сая ам.долларын ашиг
олжээ. Шүүмжлэгчид киног өнгөлөг, хөгжилтэй, дуу оруулалт сайтай,
сэтгэлд дулаан мессеж үлдээсэн бүтээл гэж дүгнэв.
7. Boyhood
Залуу
жүжигчин Элла Колтрейн энэ киноны гол дүрийг бүтээжээ. Найруулагч
Силвер Бир 64 дэх удаагийн Берлиний кино наадамд өрсөлдөж, шилдгээр
шалгарсан юм. Кинонд 2002-2013 оны хоорон дахь 11 жилийн хугацаанд
бяцхан хөвгүүн насанд хүрсэн хүн болон төлөвшиж буйг харуулжээ.
“Boyhood” кино 4 сая ам.долларын зардлаар бүтэж, 43,3 сая долларын ашиг
олсон байна.
6. A Most Wanted Man
Британийн
тагнуулын, адалт явдалт кино нь 36 дахь удаагийн Москвагийн кино наадам
болон 40-р Америкийн кино наадмын хүчтэй өрсөлдөгч байлаа. Кино 15 сая
долларын өртгөөр бүтэж, 31,6 сая доллар олжээ. Энэхүү бүтээлд Германы
тагнуулч Чеченийн дүрвэгчийг террорист байж магадгүй хэмээн сэжиглэж
байгаа тухай гарна. Кинонд нэрт жүжигчин Филипп Хофман гол дүрийг
бүтээжээ.
5. Guardians of the Galaxy
Марвел
комикс номоос сэдэвлэн бүтээсэн супер баатрын түүх нь энэ оны
наймдугаар сарын нэгнээс эхлэн 3D, IMAX технологиор театруудад гарч
эхэлсэн юм. Дэлхий даяар нийт 772 сая ам.долларын ашиг олж, бүх цаг
үеийн түүхэнд хамгийн их орлого олсон супер баатрын кино болсон юм.
4. Selma
Уг
киног 1965 оны Монтгемерийн сонгогдох эрхийн жагсаалын тухай түүхэн үйл
явдлаас сэдэвлэн бүтээжээ. Селма кино Алтан бөмбөрцөг наадмын дөрвөн
төрөлд нэр дэвшиж, шилдэг зураг авалт, шилдэг найруулагчийн шагналыг
хүртлээ. Нийт 22 сая долларын ашиг олжээ.
3. The Grand Budapest Hotel
Найруулагч
Уэс Андерсоны инээдмийн кинонд өөрийгөө гэм зэмгүй гэдгийг нотлохоор
хичээж буй аллагын сэжигтний тухай өгүүлж байна. Энэхүү киног Герман,
Английн уран бүтээлчид хамтран туурвижээ. Киноны уран бүтээлчид Алтан
бөмбөрцгийн дөрвөн номинацид нэр дэвшээд хоёр шагнал авсан юм. Энэхүү
хөгжлтэй түүх 172 сая ам.долларын ашгаар зардлаа 7 нугалсан ажээ.
2. Foxcatcher
2014
оны Америкийн намтарчилсан драм Каннын кино наадмын гол өрсөлдөгч
байлаа. Найруулагч Беннетт Миллер шилдэг шагналыг хүртсэн юм. Мөн Каннын
кино наадмын шилдэг бүтээлээр шалгарсан билээ. Уран бүтээлчид нийт 4,4
сая долларын орлого олсон бөгөөд сэтгэцийн эмгэг, ёс суртахууны
доройтлыг гайхалтай харуулсан кино гэдэг үнэлгээг шүүмжлэгчдээс авчээ.
1. Get On Up
2014
оны Америкийн намтарчилсан бүтээлд дуучин Жэймс Брауны амьдралыг
харуулжээ. Энэ кино 31 сая долларын орлого олж, зардлаасаа 1 саяар
давсан нь тийм ч амжилттай үзүүлэлт биш юм. Гэхдээ хувь хүний тэвчээр,
няцашгүй чанарыг харуулсан учир үзэгчдэд ихэд таалагдсан байна.
24tsag.mn
Сэтгэгдэл (2)