Оны сүүлийн өдрүүд үргэлжилж буй энэ үед шинэ жилийн баярыг хамгийн их хүлээдэг хүмүүс бол бяцхан хүүхдүүд байдаг билээ. Учир нь тэдний хүслийг биелүүлэхээр Өвлийн өвгөн буюу Санта клаус шинэ жилийн үдэш ирж, бүгдэнд нь бэлэг тараадаг юм. Тэгвэл энэ удаагийнхаа facelook булангаараа 300 гаруй жилийн настай Өвлийн өвгөн буюу Санта Клаусын тухай сонирхолтой фото агшингуудыг хүргэж байна.
Сантаг харах хүслийг нь 1862онд зураач Томас Наст биелүүлж Сантагийн анхны төрхийг зурж, 24 жилийн турш “Harpers Weekly” сэтгүүлийн хавтсанд зориулж зурсан байна. Зураач Сантагаа хойд туйлд байдаг гэж дүрсэлсэн нь их алдаршжээ.
Өвлийн өвгөнд улаан дээл, малгайг нь 1885 онд хэвлэлийн ажилтан Луис Пранг “өмсүүлжээ”. Тэр америкт анх удаа зул сарын баярын ил захидал гаргахдаа өвлийн өвгөнийг улаан дээл малгайтай болгон хэвлүүлжээ. Ингэж л одоогийн өвлийн өвгөн анх өтгөн үстэй захтай дээл, малгайтай, цагаан сахалтай болсон байна.
Монголчууд ардын хувьсгалын дараа Оросын соёлтой танилцаж эхэлсэн тэр үеэс зохиолч Д.Нацагдорж 1931 онд анх удаа шинэ жилийг нөхдийнхөө хүрээнд тэмдэглэсэн байдаг. Үүнээс дараахан Оросуудыг дуурайн өвлийг өвгөн ирүүлдэг болжээ.
Манай урд хөрш болох БНХАУ-ын өвлийн өвгөн. Тэд бидэн шиг өөрсдийн зан заншлаа өвлийн өвгөндөө шингээж өгч чадсан байна.
Далайн тэнгисийн өвлийн өвгөн.
Өвлийн өвгөнийг зул сарын үдэш хүүхдүүдэд бэлгийг нь өгөхөөр яндангаар ордог гэсэн домог байдаг. Яндангаар орох өөр аргууд ч бас бий.
Санта Клаус цаа бугануудтайгаа дууны хурднаас 3000 дахин их хурдтай давхидаг гэнэ.
Хавай арлын Санта Клаус. Энд цас гэдэг зүйл огт байхгүй. Зөвхөн элс ба ус
Африк тивийн Санта Клаус.
Мөн манай хойд хөршийнхөн маань өвлийн өвгөн бол Оросын өвлийн бурхан гэж нэрийддэг байна. Орос өвлийн өвгөнөө ихэвчлэн “Хүйтний өвгөн”, Хүйтний Иванович” гэдэг.
Ирланд Санта Клаус. Бидний төсөөлж ирсэн санта улаан дээл, цагаан сахалтай байдаг бол Ирландад ногоон өнгийг илүүд үздэг.
Сэтгэгдэл (1)