Японы мэргэжлийн сумод амжилттай барилдаж байгаа аварга Какүрюү М.Ананд эхнэрээ танилцуулав. Тэрбээр Японд суралцдаг Д.Мөнхзаяа гэдэг өөрөөсөө зургаан насаар дүү монгол охиныг заяаны ханиараа сонгож байгаа ажээ. Тэд өнгөрсөн жилээс дотносч, Японд нэг гэрт амьдарч байгаа юм байна. Д.Мөнхзаяа нь өдгөө жирэмсэн бөгөөд ирэх тавдугаар сард амаржих гэнэ. М.Ананд “Тэр бол үнэхээр хөгжилтэй нэгэн. Надад амьдрах утга учрыг өгсөн хүн” гэж  хэвлэлийн бага хурлын үеэр сэтгүүлчдэд ярьжээ. Харин Мөнхзаяа “Ананд бол тайван, дөлгөөхөн зантай. Түүний томоогүй занд татагдсан” гэв.