Их Британийн “Mirror” сонин Монголоос олдсон мумми хүн төрөлхтний хосгүй олдворуудын тоонд зүй ёсоор тооцогдоно хэмээн бичжээ. “Сонгинохайрхан дүүргээс олдсон муммиг амьтны арьсанд сайтар боож 200 гаруй жил хадгалсан байжээ. Ламын цогцсыг бясалгал хийж байгаа байрлалаар оршуулсан нь хачирхалтай” хэмээн тус сонинд нийтэлсэн байна. Тайландын Ват Куранам сүмд үүнтэй төстэй мумми хадгалагдаж байгаа бөгөөд жуулчдын сонирхлыг ихээр татдаг ажээ.