Монголчууд бид аливаа баярыг өргөн дэлгэр тэмдэглэдэг болоод нэлээд удаж байна. Шинэ жилийн дараа хамгийн эхэнд болдог баяр бол Гэгээн Валентины баяр энэхүү баяраар хайртай хосууд нэг нэгэндээ шоколад бэлэглэдэг. Тэгвэл өнгөрсөн жилээс эхлээд Фэйсбүүкийн 247 нэртэй сайн үйлсийн ажил, аяныг өрнүүлдэг групп "БИ ЧАМД ХАЙРТАЙ” хэмээх ном эрхлэн гаргасан нь олны талархалыг хүлээсэн бөгөөд энэ удаа дахин "БИ ЧАМД ХАЙРТАЙ-2” номоо Сүү амтагдсан шүлгийн мөрүүд хэмээх фэйсбүүк группын залуустай хамтран эрхлэн гаргаж хайртай хосуудын баяр дээр баяр нэмэх гэж байгаа таатай мэдээ байна. Ингээд 247 группын менежер Г.Сайхандумаатай ярилцсанаа хүргье.

-Номонд шүлгээ өгч байгаа хүмүүст ямар шалгуур тавьж байгаа вэ?

-Юуны өмнө фэйсбүүк/247 группээ танилцуулсан нь дээр байх манай групп, залуусыг зөв хэвшилд уриалан дуудах үүднээс өнгөрсөн онд нийгэмрүү чиглэсэн олон ажил өрнүүлсэн хүн хүнээ хайрлах, байгаль эхээ хайрлах уриалга гаргаж Сэлэнгэ аймгийн Ээж мод, Хийморийн овоо, Цэцээ гүн, Төв аймгийн Ээж хад гэх мэт сүсэг бишрэлийн газар хогон далайд умбасныг байгаль эхээ хайрлая уриалгын хүрээнд цэвэрлэлээ. Хүүхдийн баяраар Чингисийн талбайд хүүхдүүдэд зориулсан "Нэг хог нэг ватамин” нэртэй аян өрнүүллээ гэх мэт нэрлэвэл олон ажил хийлээ. Үүнд асар олон залуус нэгдэж байгаа нь залуус өнөөдөр зөв тэмүүлэлтэй зөв зүйлд цаг заваа зарцуулж чаддаг болсон байна. 247 номны тухайд өнгөрсөн жил манай группын хэсэг залуусын санаачлагаар гэгээн хайрын баярт зориулж хайртай хосууд нэгэндээ сэтгэлийн үг, захиа шүлэг гэх мэт хэлбэрээр илэрхийлсэн бүтээлүүдээс бүрдсэн 247 нэртэй ном гаргаж байсан энэ жил ч ялгаагүй хайртай хүндээ зориулсан шүлэг, захиа, сэтгэлийн үг байж болно ямар нэгэн шалгуур байхгүй эхэлж бүртгүүлсэн 247 хүнийг бүртгээд тасалбар болгоно.

-Шүлэг, сэтгэлийн үг, захиа байж болно гэдэг талаараа дэлгэрүүлээч?

-Хүн болгон ямар нэг байдлаар бүх амьдралынхаа туршид 4 мөр толгой холбосон байдаг 10 жилдээ, их сургуульдаа, за тэгээд эд дурлан хайлж явах үедээ гээд л тэр үеийнхээ гоё дурсамжийг номоор дамжуулан бичиж болно. Шүлэг бичиж үзээгүй хүн гэж ховор, мөн захиа бичдэггүй хүн гэж байхгүй орчин үеэр ярьвал /мессеж/ тэгэхээр энэ бүгдийг агуулсан чин сэтгэлийн дуудлага шүлгэн сондор бол "БИ ЧАМД ХАЙРТАЙ-2” ном байх болно. Нэг зүйлийг анхааруулахад номонд материалаа өгч байгаа хүмүүс хайртдаа мэдэгдэхгүй байх нь чухал энэ нууц 02 сарын 14 буюу Гэгээн Валентины өдөр номын нээлтийн үеэр гэнэтийн бэлэг байх юм.

Хайртдаа гэнэтийн сонгодог бэлэг барихыг хүссэн хэн бүхэн 88-247-503 дугаарлуу залгаж дэлгэрэнгүй мэдээлэл авах буюу фэйсбүүкийн/247 групп, Сүү амтагдсан шүлгийн мөрүүд группрүү орж мэдээлэл авч болно.

Зарим хүмүүс дандаа яруу найрагчид орох юм уу? гэж асуудаг хайртдаа чин сэтгэлийн үг, захиаг хэн бүхэн бичиж чаддаг шүүдээ. Тэгэхээр хэн ч оролцож болно нээлттэй үүнд ямар нэгэн нас хүйс хамаарахгүй.

-Материалаа өгч байгаа хүмүүсээс номын хэвлэлтийн хандив авч байгаа гэсэн тэр талаар?

-Номын хувьд бид чанар дээр маш сайн анхаарч байгаа хэвлэлтийг BSS print хэвлэлийн компани хариуцан хийхээр гэрээ хийгдсэн. Ном 247 нүүртэй байх бөгөөд нэг хүнд нэг нүүр зориулагдана гэсэн үг юм. Номын бүх нүүр өнгөт байна энэ утгаараа хэвлэлтийн зардал бас нилээдгүй өндөр гарч байгаа нэг хүнээс бид 30,000 төгрөгний хандив авч байна. Энэ бол боломжийн хандив гэж бид үзэж байгаа хайрын баяраар хайрдтаа нэг merciавахад л 30,000 болно тийм учир энэ удаа сонголтоо арай өөр сонгодог хэлбэрт шилжүүлж ном бэлэглээч гэж уриалж байна.