Сар шинийн баярын өмнөх өдрүүдэд авто замын ачаалал эрс нэмэгддэг тул нийслэлийн Засаг дарга “Сар шинийн баярыг угтсан зарим арга хэмжээний тухай” А/78 дугаар захирамж гаргаж, баярын өмнөх гурван долоо хоногийн амралтын өдрүүдэд автомашины улсын дугаарын сүүлийн оронг тэгш, сондгой ялган замын хөдөлгөөнд оролцуулах түр зохицуулалт хийж байгаа.

         Автомашины улсын дугаарын сүүлийн орон тэгш тоогоор төгссөн бол хязгаарлал тогтоосон бүсэд хоёрдугаар сарын 14-ний бямба гарагт, авто машины улсын дугаарын сүүлийн орон сондгой тоогоор төгссөн бол  хоёрдугаар сарын 15-ны ням гарагт өглөөний 10.00 цагаас 20.00 цагийн хооронд замын хөдөлгөөнд авто  замын хөдөлгөөнд оролцоно.

       Иймд жолооч таны авто машины улсын дугаарын сүүлийн орон сондгой тоогоор төгссөн бол өнөөдөр 10.00 цагаас 20.00 цагийн хооронд замын хөдөлгөөнд авто  замын хөдөлгөөнд оролцох боломжгүй гэдгийг анхаарна уу!

         Мөн түр зохицуулалтаар Сонгинохайрхан дүүргийн Саппорагийн уулзвараас Таван шарын уулзвар хүртэлх замд 10:00-20:00 цагийн хооронд авто замын хөдөлгөөнд оролцохыг хязгаарлаж байгаа. Энэ хугацаанд гэр хорооллоос Нарантуул Олон улсын худалдааны төвийн чиглэлд буухиа автобус иргэдэд үйлчилж байна.