“Анод” банкны хэрэгт “Мон Уран”-ы захирал Б.Наранхүүг холбогдуулан шалгах болсоноор банкны хэрэг өнгөрсөн арваннэгдүгээр сард мөрдөн байцаалтад буцсан билээ. Б.Наранхүүг тус банкны дампуурлын хэрэгт 2008 оноос хойш шалгасан ч өнгөрсөн арванхоёрдугаар сард сэжигтнээр татсан юм. Түүнд Эрүүгийн тухай тусгай хуулийн 150.3-аар эрүүгийн хэрэг үүсгэн шалгаж эхэлсэн. Эрүүгийн хуулийн 150.3-т Аж ахуйн нэгж, байгууллага, иргэдийн өмчийг итгэмжлэгдэн хариуцсан этгээд завшсан буюу үрэгдүүлсний улмаас бага бус хэмжээний хохирол учирсан бол тодорхой албан тушаал эрхлэх, үйл ажиллагаа явуулах эрхийг гурван жил хүртэл хугацаагаар хасч, эд хөрөнгийг хурааж, таваас дээш арван жил хүртэл хугацаагаар хорих ял шийтгэнэ хэмээн заажээ. Харин саяхан хэргийг шалгаж буй мөрдөн байцаагч Б.Наранхүүд таслан сэргийлэх арга хэмжээ авахыг хяналтын прокурорт нь уламжилсан байна. Б.Чимэг
