Сар шинийн шинэлгээ зарим хүний хувьд дуусаагүй байна. Улсад хамгийн
их орлого оруулдаг “саалийн үнээ” болсон “Эрдэнэт” үйлдвэрийн ажилчид
захирал Ч.Ганзоригтоо луу жилийн мэнд хүргэж, золгох гэсэн ч захирлаа
“олохоо” больжээ. Учир нь тэрбээр туулай жилийн сүүлээр амраад өнөөдрийг
хүртэл ажилдаа ирэхгүй байгаа аж. Туулай жилээс луу жил гартал “бүтэн
жил” алга болсон дарга нь хаана шинэлж, бууз эргүүлж яваа тухай
ажилчидад нь ямар нэг таамаг байхгүй байгаа гэнэ. Сар шинийн шинэлгээ зарим хүний хувьд дуусаагүй байна. Улсад хамгийн их орлого оруулдаг “саалийн үнээ” болсон “Эрдэнэт” үйлдвэрийн ажилчид захирал Ч.Ганзоригтоо луу жилийн мэнд хүргэж, золгох гэсэн ч захирлаа “олохоо” больжээ. Учир нь тэрбээр туулай жилийн сүүлээр амраад өнөөдрийг хүртэл ажилдаа ирэхгүй байгаа аж. Туулай жилээс луу жил гартал “бүтэн жил” алга болсон дарга нь хаана шинэлж, бууз эргүүлж яваа тухай ажилчидад нь ямар нэг таамаг байхгүй байгаа гэнэ. “Эрдэнэт” үйлдвэрийн даргаар чимээгүйхэн улиран сонгогдож ижил дасал болсон даргаа сураггүй болсонд тэд сандарч эрэл сурал болж эхэлжээ. Энэ талаар тус газрын ажилтнаас утсаар тодруулахад “Сар шинийн баярын дараа ажил цугласнаас хойш дарга нэг ч удаа ажилдаа ирээгүй. Бид шинийн найманд багтааж золгоё гэсэн ч олдохгүй байна. Даргын хаана явааг мэдэх хүн алга” гэв. Төрийн гурван өндөрлөг, УИХ-ын гишүүд хүртэл аль хэдийн ажилдаа орчихоод шижигнүүлж байхад мань эрийн шинэлгээ одоо хүртэл дуусаагүй байгаа бололтой. Ч.Ганзориг захирал 2012 оны сонгуульд Архангай аймагт МАН-аас нэр дэвшинэ хэмээсэн ч өөрийн хүү Г.Тэмүүлэнг Архангайгаас нэр дэвшүүлж, өөрөө суудалдаа үлдсэн тул сэтгэл амар яваа аж. Туулай жилийн сүүлээр Эрдэнэт хотод үйл ажиллагаа явуулдаг “Зэс эрдэнийн хувь” ХХК-ны хувьцаа эзэмшигчид Эрдэнэтийн овоолгын дөрөвний нэг хувийг авахаар Төрийн өмчийн хороонд хандсан юм. Үүнийг биелүүл гэж ТӨХ “Эрдэнэт” үйлдвэрийн захирал Ч.Ганзоригт үүрэгдсэн ч мань эр даалгаврыг үл тоомсорлосоор луу жилийн босго алхчилаа. Хийх ажил нь овоорчихсон байгаа даргадаа ажилчид нь нүд, чих тавьсаар байгаа гэнэ.
Б.Чимэг
