
Дэлхий дахинд эрдэс баялгийн үнэ унаж болзошгүй гэдгийг Дэлхийн банк
монголчуудад анхааруулаад энэ удаад өмнөх шиг "аз таарахгүй" шүү гэж бас
сануулжээ. Европын орнуудад үргэлжилж буй их хэмжээний өр, түүнээс
үүдсэн эдийн засгийн хямралын улмаас эрдэс баялаг үнэгүйдэх эрсдэлтэй
аж. Үүнийг монголчуудад анхааруулахын хажуугаар манай улсад судалгаа
хийсэн мэргэжилтнүүд "2011 онд Монгол улсын төсөв 2009 оныхоос хоёр
дахин өссөн.

Дэлхий дахинд эрдэс баялгийн үнэ унаж болзошгүй гэдгийг Дэлхийн банк монголчуудад анхааруулаад энэ удаад өмнөх шиг "аз таарахгүй" шүү гэж бас сануулжээ. Европын орнуудад үргэлжилж буй их хэмжээний өр, түүнээс үүдсэн эдийн засгийн хямралын улмаас эрдэс баялаг үнэгүйдэх эрсдэлтэй аж. Үүнийг монголчуудад анхааруулахын хажуугаар манай улсад судалгаа хийсэн мэргэжилтнүүд "2011 онд Монгол улсын төсөв 2009 оныхоос хоёр дахин өссөн. Яагаад гэвэл сонгуулиар маш их мөнгө амласан байсан" гэж тайлбар хийжээ. Тэгвэл УИХ-ын өнгөрсөн сонгуулийн улмаас энэ удаагийн эдийн засагтай хямралтай хүндхэн нөхцөл байдалтайгаар тулгарах нь байна. Тодруулбал, эдийн засгийн өсөлт ихтэй жилүүд ирж байсан ч тэдгээрийн гол баталгаа болсон уул уурхайн бүтээгдэхүүний үнэ дэлхийд буурах цаг айсуй. Дэлхийн банкны таамаглал ойрын хугацаанд биеллээ олвол манай улсын төсөвт хүндээр нөлөөлөх гарцаагүй. Өнгөрсөн жил Монгол улсын уул уурхайн орлого 56 хувиар нэмэгдсэн, харин энэ онд бид дахин 32 хувиар нэмнэ гэж үзсэн. Энэ төлөвлөгөө бүтэлгүйтэж болзошгүй тул эргэн харах хэрэгтэй болов уу.
Дэлхийн банк дээрх анхааруулгыг хийснийхээ дараа улам ч хүнд мэдээг бидэнд дуулгав. Урьд нь дэлхийн эдийн засаг хямрахад БНХАУ аж үйлдвэр олноор байгуулж, хямралыг саармагжуулж, нэг ёсондоо аварч байлаа. Гэтэл европоос улбаатай энэ удаагийн хямралд хятадууд тийм арга хэмжээ авахгүй гэнэ. Тэгэхээр хуучин авч байсан уул уурхайн бүтээгдэхүүн, түүхий эдүүдийг хямд үнээр авахаас биш хэмжээ нь огтхон ч нэмэгдэхгүй гэсэн үг. Бид одооноос ихийг хямгадаж, бага зарлагадаж амьдарвал эдийн засгийн хямралын дараагийн зуданд гарах хохирлыг багасгаж болох.