Сүхбаатар дүүргийн шүүхээс хошууч генерал Ч.Амарболд, хурандаа О.Зоригт, хурандаа Ш.Батсүх, цагдаагийн дэд хурандаа Г.Ганбаатар нарыг цагдан хорих шийдвэр гаргасан. Энэ шийдвэрийн дараа Ч.Амарболд нарын хүмүүс шүүх хуралдааны зааланд унаа хүлээх зуур бие нь мууджээ. Яаралтай түргэн тусламжийн 103-т дуудлага өгснөөр эмч нар ирж Ч.Амарболд, О.Зоригт, Ш.Батсүх гурвыг үзсэн юм. Эмч нар тэдний биеийн байдлыг үзээд шүүгч нарт эмнэлэгт хэвтэх шаардлагатай гэж мэдээлсэн тул Ч.Амарболд нарыг эмнэлэгт хүргүүлэх шийдвэр гаргасан байна. Ч.Амарболдын сахарын өвчин сэдэрсэн, бусдынх нь бие ч тун тааруу байгаа бололтой.