2008 оны долдугаар сарын 1-ний үймээний үеэр  галт зэвсгийн улмаас дөрвөн хүний амь нас хохирсон, зургаан хүний биед хүнд, хүндэвтэр, хөнгөн гэмтэл учруулсан гэх хэрэгт буруутгагдсан ЦЕГ-ын даргын үүрэг гүйцэтгэгч асан, хошууч генерал Ч.Амарболд, нийслэлийн Цагдаагийн газрын дарга асан, хурандаа О.Зоригт, Хэв журмын хэлтсийн дарга асан, хурандаа Ш.Батсүх нарын шүүх хурал өнөөдөр Сүхбаатар дүүргийн шүүхийн Эрүүгийн танхимд боллоо.
    2008 оны долдугаар сарын 1-ний үймээний үеэр  галт зэвсгийн улмаас дөрвөн хүний амь нас хохирсон, зургаан хүний биед хүнд, хүндэвтэр, хөнгөн гэмтэл учруулсан гэх хэрэгт буруутгагдсан ЦЕГ-ын даргын үүрэг гүйцэтгэгч асан, хошууч генерал Ч.Амарболд, нийслэлийн Цагдаагийн газрын дарга асан, хурандаа О.Зоригт, Хэв журмын хэлтсийн дарга асан, хурандаа Ш.Батсүх нарын шүүх хурал өнөөдөр Сүхбаатар дүүргийн шүүхийн Эрүүгийн танхимд боллоо. Гэвч шүүгдэгч Ч.Амарболдын өмгөөлөгч О.Алтангэрэл шүүх бүрэлдэхүүнээс татгалзсан учир шүүх хурал тодорхой хугацаагүйгээр хойшилсон. Мөн шүүгдэгч нарыг цагдан хорих шийдвэр гаргасан юм. Харин тэдний бие муудаж, Яаралтай түргэн тусламж 103-ын эмч хүрэлцэн ирэн тэдний биеийг үзээд яаралтай эмнэлэгт хэвтүүлэх шийдвэр гаргасан юм. Шүүх бүрэлдэхүүнээс тэднийг Төрийн албан хаагчдын нэгдсэн эмнэлэг болон Сүхбаатар дүүргийн шүүхэд хэвтүүлэх шийдвэр гаргасан ч шүүгдэгчдийн ар гэрийнхэн эсэргүүцсэнээр хоёрдугаар эмнэлэг рүү авч явлаа.