ОХУ-ын Элстэй хот дахь Монголын консулын төлөөлөгч Ө.Гончигжав тус улсын forum.kalmykia.ru сайтыг шүүхэд өгч, гурван сая рубль буюу 100 мянган доллар нэхэмжилжээ. Учир нь энэ сайтын форумд Ө.Гончигжавын тухай сэдэв үүсгэж, түүнийг ажлын чадвар муутай, монголчуудтай басамжлан харьцдаг хэмээн зарим хүмүүс хурцаар шүүмжлэн бичсэн аж. Үүнийг нь үгүйсгэж, Монголын Консулын төлөөлөгчийг хамгаалсан хүмүүс ч форумд оролцож, ширүүн маргаан үүссэн байна. Тиймээс forum.kalmykia.ru сайтынхан Ө.Гончигжавын тухай сэдвийг хаажээ. Гэвч Монголын Консулын төлөөлөгч тус сайтыг нэр хүндэд халдсан хэлэлцүүлэг өрнүүлсэн хэмээн шүүхэд өгсөн аж. Шүүх хурал нь 3-р сарын 12-ны даваа гарагт болох байсан ч нөгөө тал нь ирээгүй гэсэн шалтгаанаар хойшилсон байна. Энэ тухай Ө.Гончигжавтай утсаар холбогдож тодруулахад “Халимагийн сайтыг шүүхэд өгсөн минь үнэн.Б и  forum.kalmykia.ru сайтыг шүүхэд өгөхдөө гол нь тэр сэдвийг нээсэн этгээдүүдийг олж өгөхийг хүссэн. Хэрэв шүүхийн шийдвэр гараад ОХУ-ын иргэн нэхэмжилсэн мөнгийг өгвөл өөртөө биш  Монголын хэвлэл мэдээллийн байгууллагад хандивлана” гэв. Тэрбээр “Энэ бол зөвхөн миний нэр төрд халдсан хэрэг биш. Монгол улсын нэр хүндэд халтай мэдээлэл. Нийтийн хэвлэлд хэлж болохооргүй тийм бүдүүлэг үгийг нь давтаж хэлэхийг хүсэхгүй байна” гэсэн юм.
  Ө.Гончигжав төлөөлөгч Халимагийн Элстэй хотоос Улаанбаатар хооронд шууд нислэгтэй болгох ажлыг хөөцөлдөхөөр Улаанбаатар хотод ирээд байна.