Цагдаагийн экс дарга нарын шүүх хурал болж, тэднийг цагдан хорих шийдвэр гаргасан. Гэвч шүүгдэгч нарын биеийн байдал муудаж, тэднийг хоёрдугаар эмнэлэг рүү ачиж явсан билээ. Хэдийгээр эмнэлэг рүү авч явсан ч шүүхийн шийдвэр хүчин төгөлдөр байх юм. Ингээд хурлын дараа шүүгдэгч Ч.Амарболдын өмгөөлөгч О.Алтангэрэлээс зарим зүйлийг тодрууллаа.
    Цагдаагийн экс дарга нарын шүүх хурал болж, тэднийг цагдан хорих шийдвэр гаргасан. Гэвч шүүгдэгч нарын биеийн байдал муудаж, тэднийг хоёрдугаар эмнэлэг рүү ачиж явсан билээ. Хэдийгээр эмнэлэг рүү авч явсан ч шүүхийн шийдвэр хүчин төгөлдөр байх юм. Ингээд хурлын дараа шүүгдэгч Ч.Амарболдын өмгөөлөгч О.Алтангэрэлээс зарим зүйлийг тодрууллаа.

-Цагдан хорих шийдвэр гарсан ч эмчийн хяналтад байх уу?

-Шүүхээс цагдан хорих шийдвэр гарсан учраас цагдаагийн хамгаалалтад байна.

-Ч.Хосбаяр шүүгчээс татгалзсан байхад цагдан хорих шийдвэр гаргаж байгаа нь зөв үү?

-Уг нь бол Ч.Хосбаяр шүүгчээс татгалзсан шийдвэр гаргасан байхад Ч.Хосбаяр шүүгч ямар нэгэн шийдвэр гаргах эрхгүй. Харин ерөнхий шүүгч нь мэдэх ёстой.

-Биеийн байдал нь хэр байгаа юм бэ?

-Тэдний биеийн байдлыг шүүгч нэлээн удаан нягталлаа. Яаралтай түргэн тусламж 103-ын эмчээс тодорхойлолт авч, эмчийн бичиг баримттай нь ерөнхий шүүгч танилцсан. Бид ч бас “Нэн тэргүүнд шүүгдэж буй хүмүүсийн биеийн байдлыг харгалзан үзэх хэрэгтэй” гэдгээ уламжилсан байгаа.

-Та бүхэн шүүхийн шийдвэрийг хууль бус гарсан гээд байгаа?

-Шүүх хурал анхнаасаа хууль бус явагдсан. Шүүгчээсээ татгалзсан байхад шүүгч цагдан хорих шийдвэр гаргасан. Уг нь бол ерөнхий шүүгчийг шийдвэр гаргатал шүүгч ямар нэгэн шийдвэр гаргах эрхгүй байдаг. Гэтэл цагдан хорих шийдвэр гаргачихаад байна. Мөн Г.Ганбаатарын хэргийг тусгаарлана гэж байх шиг. Түүнчлэн шүүх хуралд оролцож чадахгүй гэдгээ урьдчилан мэдэгдсэн өмгөөлөгчийг 500 гаруй мянган төгрөгөөр торгож байгаа юм. Өөрөөр хэлбэл, өмгөөллийн тухай хуулиар олгогдсон эрхийг зөрчиж байна. Мөн өмгөөлөгч нь ажилтай байна гэхэд үйлчлүүлэгчийг нь цагдан хорьж байгаа юм. Тэгэхээр бүх зүйл хууль бус явагдсан.

-Тэгэхээр энэ хэрэг улс төржөөд байна уу?

-Би олон жилийн өмнөөс л ярьж байна. Ер нь энэ хэрэг юунаас үүссэн гэдгийг санах хэрэгтэй. Сонгуулийг хэн луйвардсан. Сонгуулийн будлиан юунаас гарсан. Ард түмэн юунд бухимдсан. Дургүйцсэн, бухимдсан, галдан шатаасан хүмүүсийг зохицуул гэж цагдааг хэн явуулсан билээ. Бүх асуултын хариу ойлгомжтой байна. Гэтэл өнөөдөр энэ шүүх хуралд хэн байна. Нөгөө л үүргээ гүйцэтгэсэн цагдаа нар, цагдаагийн ар гэр, бухимдсан хүмүүс, хэдэн бор цагдаа нар л байна. Бусад нь хаана байна. Чуулганыхаа танхимд, ордон дотроо л сууж байгаа шүү дээ.